Top OFW Safety Tips

10 Social Media Rules sa UAE

Naglabas si His Highness Sheikh Mohammed bin Rashid Al Maktoum ng sampung guidelines para sa paggamit ng social media sa mga nakatira sa United Arab Emirates (UAE). Inihayag ang mga ito sa isang open letter para sa mga Emiratis at sa mga kasalukuyang naninirahan sa bansa ngayon.

Aniya ang mga Emiratis at ang mga residente nito ang kumakatawan kay Sheikh Mohammed. Sa pangkalahatan, ang Sheikh Mohammed naman ang kumakatawan sa UAE sa harap ng buong mundo. Anumang personalidad ang pinapakita ng mga nasa UAE sa kanilang social media ay nagrereflect sa Sheikh at sa buong mundo.

“We want Emiratis who help others by sharing information, ideas, social and human initiatives that are widespread in the country,” dagdag ni Sheikh Mohammed sa kanyang open letter.

Ang mga guidelines na ito ay nagnanais na siguraduhing hindi magiging masama or marumi ang reputasyon ng bansa sa mga social media sites. Ayon sa Sheikh, “Neglect and chaos over social media platforms impact the achievements that thousands of work teams have dedicated their greatest efforts to build. The reputation of the UAE is not for public use by those who seek more followers.”

Sumusunod ang mga guidelines kung ano ang attitude ng mga tao tuwing gagamit ng social media:

1. Pagkatao na nagrereflect ng ethics at imahe ni Sheik Mohammed kapag nakikipag-ugnayan sa ibang tao.
2. Pagkatao na naglalarawan ng kaalaman, kultura, at antas at pagiging sopistikado ng sibilisasyon na nakamit ng UAE.
3. Pagkatao na hindi gumagamit ng mga pang-iinsulto, mapanirang wika o anumang iba pang mga salita na hindi bastos.
4. Pagkatao na gumagamit ng lohika at pangangatuwiran tuwing nakikipag-usap.
5. Pagkatao na pinahahalagahan ang mga mabuting salita, magandang larawan at nakikipag-ugnay gamit ang positibong pag-iisip, kultura at lipunan.
6. Pagkatao na tumutulong sa kapwa sa pamamagitan ng pagbabahagi ng impormasyon, ideya, at initiatives na social at human na nagpapayaman sa bansa.
7. Pagkatao na nakikisali sa ugnayang internasyunal, nagsasalita ng wika nito, nakikipag-usap sa mga isyu nito at positibong nakikipag-ugnay ukol sa mga hinaharap.
8. Pagkataong may kumpiyansa, tumatanggap ng mga pagkakaiba ng mga tao at nagsisilbing tulay para rito.
9. Pagkatao na sumasalamin sa pagiging mapagpakumbaba at mapagmahal ng mga Emiratis, pati na rin ang love and openness sa iba.
10. Pagkatao na minamahal ang bansa, pinagmamalaki ito, at nais magsakripisyo para rito.

Ang open letter ni Sheikh Mohammed ay naging sagot sa isang tanong ukol sa social media conduct noong Setyembre.