Photo a screencap from JONA's Youtube channel
Nakaduet ni Jona si Michael Bolton sa kanilang rendition ng "How Am I Supposed to Live Without You" ni Bolton. Nag-perform sila sa Mall of Asia Arena noong November 22, 2019 para sa isang exclusive concert sa "PLDT Pasasalamat Night" ng Philippine Long Distance Telephone (PLDT) Corporation.
Napa-bilib ni Jona si Michael Bolton matapos niyang mag-perform bago ang kanilang duet. "You do the country very proud," ani Bolton, "and I'm very happy to have you with me."
"It's an honor," sagot naman ni Jona.
Nagbiro pa si Michael Bolton na 12 years old lang daw siya nang lumabas ang album kung saan kabilang ang "How Am I Supposed to Live Without You," na dalawang beses na nag-number one sa music charts noon. "I [wasn't] even a fetus yet!" biro naman ni Jona.
Nang magsimula na ang duet, rinig na rinig ang ganda ng blending ng boses ng dalawa. Panoorin ang video sa link na ito.