Inorganisa ng Philippine Embassy sa Warsaw at Philippine Trade and Investment Center – Berlin kasama ang Polish Chamber of Commerce ang isang business webinar nitong April 8 para kilalanin ang iba't-ibang oportunidad sa pagnenegosyo at kalakalan sa pagitan ng Pilipinas at Poland.
WARSAW - Bumagal man ang ekonomiya ng boung mundo dahil sa pandemya, hindi pa rin natinag ang Philippine Trade and Investment Center sa Berlin, Philippine Embassy sa Warsaw at Polish Chamber of Commerce na magkaroon ng ugnayan sa mga potensyal na kalakalan at negosyo sa pagitan ng dalawang bansa.
Sa kanilang business webinar na pinamagatang, 'Let’s Do Business Together: Poland-Philippines, Perspectives and Opportunities for Cooperation', nitong nakaraang linggo, pormal na nag-ambagan ng impormasyon ang dalawang panig ukol sa investment opportunities mula sa gobyerno at pribadong sektor.
Dinaluhan ang nasabing online event ng 94 participants mula sa Philippine at Polish business groups. 'Opportunities. Everywhere, for everyone' ayon kay Krzysztof Kogutkiewicz ang Chief Executive Officer at Co-founder ng Nextbank, isang Polish fintech company na nagtagumpay sa Philippine market.
Sabi ni Philippine Ambassador to Poland Leah Basinang-Ruiz, layon ng webinar ang pasiglahing muli ang business sectors ng dalawang bansa dahil disruption ng COVID-19 pandemic.
'We are confident that this meeting will generate a robust exchange of information and ideas, facilitate discussions and, most importantly, connections that can later translate into real and concrete trade activities and exchanges,' dagdag ni Ambassador Basinang-Ruiz.
Kasama sa naging speakers at panelists ng webinar ay sina DTI Undersecretary Ireneo Vizmonte; Polish Ministry of Economic Development, Labour and Technology Undersecretary Robert Tomanek; Althea Antonio ng Philippine Trade and Investment Center – Berlin; Rafał Owczarek ng Polish Investment and Trade Agency – Manila Bureau; Polish Chamber of Commerce President Dr. Andrzej Arendarski; Asia and ASEAN Affairs Vice Chair and Director for Agriculture and Fishery, Philippine Chamber of Commerce and Industry, Roberto Amores; Emmanuel Pineda ng Authority of the Freeport Area of Bataan; Jerzy Pietrucha, Chairman ng Pietrucha Group; CEO at Co-founder ng Nextbank, Krzysztof Kogutkiewicz at Philippine-Poland Business Council Chairman sa ilalim ng PCCI, Allyson Artes - END
Source: DFA website
Para sa karagdagang impormasyon, basahin: https://dfa.gov.ph/dfa-news/news-from-our-foreign-service-postsupdate/28845-let-s-do-business-together-trade-investment-opportunities-in-ph- poland-markets-discussed-by-ph-polish-entrepreneurs