UAE-based Pinoy director, ginawaran ng ‘Best Director Award’ sa Europe Film Festival

Ginawaran ng ‘Best Director Award’ para sa Short Film category sa Europe Film Festival ang Pinoy director na si Francis Gacer. Ang kaniyang short film na pinamagatang “Panahon ng Ligalig” ay hango sa totoong kwento tungkol sa Vietnamese refugees na tinulungan ng Philippine government sa Puerto Princesa, Palawan.

Si Francis Luscianne Javier Gacer ang 45-taon gulang na direktor ng naturang pelikula. Kasalukuyan siyang nakatira sa Dubai, at nagtatrabaho rin siya bilang designer sa isang multinational supermarket chain sa UAE. Lahat ng artista at crew sa naturang pelikula ay mga OFWs, ani Gacer. Kilala siya bilang OFW filmmaker na talagang kumukuha ng all-Pinoy talent para sa kaniyang mga produksyon.

Marami pang ibang award-winning films si Gacer, kabilang na ang “Limbaswang,” na nanalo ng tatlong awards sa Nawada International Film Festival at Paris International Film Festival, “Langay-langayan sa Nanunuyong Palayan,” “Kudlit,” at “Papel sa Poste.”

Gayunpaman, para sa Pinoy director, hindi lamang niya awards ang mga parangal na ito, kundi patunay rin ng galing ng Pilipino, at ng buong team na bumuo ng bawat pelikula. Para sa kaniya, kahit daw ang “best director” award ay hindi parangal na para lamang sa kaniya, kundi para rin sa kaniyang mga artista, writers, at crew.

SYNOPSIS

It involves two siblings, Lhin and Bhin Van Ho, who became orphans after their parents perished in a sea tragedy. They were fostered by the village chief, Datu Usman, and his wife, Fatima, who have a child name Saleema. As times passed, the Vietnamese siblings learned the ways of Islam and were left under the care of Saleema until the Philippine government stopped sheltering the Vietnamese and forced the siblings to be separated from Saleema.