(Left photo) H.E. Hjayceelyn M. Quintana, Philippine Ambassador to UAE kasama si H.E. Faisal Eissa Lutfi, Assistant Undersecretary for Consular Affairs ng UAE Ministry of Foreign Affairs at International Cooperation (MOFAIC), matapos mapirmahan ang MOU na magtatatag ng Joint Committee on Consular Affairs at MOFAIC nitong April 7.
(Right photo) Ang Inaugural meeting ng PH-UAE Joint Committee on Consular Matters na naganap matapos mapirmahan ang MOU, pinangunahan ni Amb. Quintana ang PH team sa UAE. (PE Abu Dhabi Photo)
ABU DHABI - Nilagdaan ng Pilipinas at United Arab Emirates nitong April 7 ang Memorandum of Understanding o MOU na magtatatag ng Joint Consular Committee para sa bilateral mechanism na magpoprotekta sa interes ng mga Pilipino at Emerati sa pamamagitan ng pagbibigay ng napapanahon at epektibong tulong ukol sa consular matters.
Pinirmahan ni H.E. Hjayceelyn M. Quintana, Philippine Ambassador to the UAE at H.E. Faisal Eissa Lutfi, Assistant Undersecretary for Consular Affairs ng MOFAIC ang nasabing MOU.
'Excellent people-to-people relations are the bedrock of PH-UAE bilateral relations and the MOU,' ayon kay Amb. Quintana. Pinuri ni Amb. Quitana, ang kasunduan bilang milestone para sa pagpapalakas ng PH-UAE cooperation.
Sinimulan agad ang virtual inaugural Joint Consular Committee meeting matapos ang signing ceremony kung saan nagpalitan ng impormasyon ang dalawang panig kung paano mapapabuti ang paghahatid ng consular assistance sa kani-kanilang nationals.
Source: DFA website
Para sa karagdagang impormasyon, basahin: https://dfa.gov.ph/dfa-news/news-from-our-foreign-service-postsupdate /28828-ph-uae-agree-to-strengthen-consular-assistance-to-filipinos-and-emiratis