Kadalasan, marami ang ‘di nagbibigay importansya sa pagkain ng itlog! At minsa’y maraming umiiwas sa pagkain ng itlog dahil sa high cholesterol content. Bagaman rito, marami pa ring rason kung bakit healthy ang pag kain ng itlog.
1. Magandang source ng protein ang mga itlog.
Ang protein ay gawa sa iba’t ibang amino acids na kinakailangan ng ating katawan. Ang mga amino acids na ito ay nakukuha natin sa proteins ng pagkain. May siyam na tipo ng amino acids na makukuha sa isang itlog. Makakakuha ng anim na gramo ng proteins sa isang large egg.
2. Nakakatulong sa pagpapapayat.
Dahil punong-puno ito ng protein, nakakatulong rin ang itlog sa pagbabawas ng timbang. Nutritious at healthy ang pagkain ng itlog, ngunit mababa ang lamang calories nito. Maaaring mabusog sa pagkain ng itlog nang hindi nagtatamo ng mas maraming calories. Tuluyang makakabawas ng timbang ang pagbabawas ng calories!
3. Nakakatulong sa iyong immune system.
Maraming mga vitamins at nutrition na makukuha sa itlog. Sa isang itlog, mayroong Vitamin B12 (cobalamin), Vitamin B2 (riboflavin), Vitamin A, Vitamin B5 (pantothenic acid), at Selenium. Dagdag pa sa mga ito, mayroong konting halaga ng calcium, iron, potassium, zinc, manganese, vitamin E, folate, at iba pa!
4. Nagpapalinaw ng mata.
Magandang source ng Omega-3 ang mga itlog at ilang oily fish. Ang Omega-3 ay importante para ma-maintain ang brain function at vision. Source rin ng antioxidants gaya ng lutein at zeaxanthin. Tumutulong ito para maprotektahan ang mga mata sa harmful sunlight at mabawasan ang possibilidad na magkaroon ng mascular degeneration o cataracts.
Image Source: Tengyart | Unsplash