Ginawaran ng pinakamataas na academic honors sa educational system ng España ang Filipina historian at professor na si Dr. Ros Costelo.
Ayon sa statement ng Philippine Embassy, ginawaran ng markang "sobresaliente cum laude" si Dr. Costelo sa Universidad Complutense de Madrid na siyang pinaka-prestihiyosong academic institution sa Spain. Dito rin nag-aral sina Jose Rizal at Antonio Luna noon.
Pinarangalan si Dr. Costelo matapos niyang matagumpay na dinepensahan ang kanyang doctoral thesis na may pamagat na “Public Works and the Spanish Colonial Agenda of Sanitation, Order, and Social Control in the Late 18th to 19th Century Manila.”
Kritikal ang pag-aaral ni Dr. Costelo kung saan sinuri niya ang mga negatibong epekto ng kolonisasyon ng España sa mga imprastraktura ng Pilipinas at pamumuhay ng mga Pilipino noong 18th century. Umani ng papuri ang research ni Dr. Costelo, na nagbunga rin ng ilang orihinal na mapa ng 19th century Manila batay lamang sa archival texts.
Sinulat ni Dr. Costelo ang huling bahagi ng kanyang pag-aaral sa gitna ng lockdown sa Spain at sa kabila ng pagkakaroon ng COVID-19. "Laban lang," aniya.
Ayon sa Embahada, malaking karangalan ang natamo ni Dr. Costelo. "Obtaining a Doctorate in Contemporary History, with flying colors and in a foreign country, came at the end of a long road for Costelo, but she never forgot the sacrifices she and her family made for her to achieve her dreams," pahayag ng Embahada.
Si Dr. Costelo ay tubong Tunga, Leyte at nagtapos ng Bachelor's Degree at Master's Degree in History mula sa Unibersidad ng Pilipinas. Kasalukuyan rin siyang propesor sa Department of History ng naturang Unibersidad.
"
I tested positive for Covid-19 while I was in the final stretch of thesis writing. Pero, laban lang! History has taught us with many narratives of people’s responses to the challenges of the time. In the end, this achievement would not have been possible if not for the support and prayers of many people and institutions. I am beyond grateful. I just hope that my work can contribute to the fuller understanding of our nation’s story." -Dr. Ros Costelo