Pinoy scientist na si Dr. Ryan Arevalo, nakakuha ng prestihiyosong Marie Curie Fellowship mula sa European Commission

Inanunsyo ng Department of Science and Technology (DOST) Balik Scientist program ang tagumpay ng Pinoy scientist na si Dr. Ryan Arevalo na makakuha ng research grant mula sa Marie Skłodowska-Curie Actions (MSCA) COFUND Fellowship. Ito ang flagship funding program ng European Union para sa mga researchers na nasa doctoral at post-doctoral training. Ang MSCA COFUND Fellowship ay nasa ilalim ng pamamahala ng European Research Executive Agency (REA) para sa European Commission (EC).

Nakakuha ng grant si Dr. Arevalo para sa kaniyang research tungkol sa Nano-Porous Material Based Methane Partial Oxidation Catalysts. Ang University of Limerick, Ireland, naman, ang kaniyang host institution para sa naturang research project.
 

About Dr. Arevalo

Screengrab from https://www.ryanlarevalo.com/
 

Nagsimula bilang Physics teacher

Si Dr. Ryan Arevalo ay isang computational physicist. Ayon sa isang interview para sa PinoyScientists.com, nagsimula ang kaniyang career bilang physics teacher sa Philippine Normal University, kung saan rin siya nagtapos ng BSE Physics & Technology (Magna Cum Laude). Tinuloy ni Dr. Arevalo ang kaniyang pag-aaral, at nagtapos siya ng multiple post-graduate degrees mula sa iba’t-ibang academic institutions:

• Master of Science in Physics, De La Salle University, Philippines
• Master of Engineering, Osaka University, Japan
• Doctorate degree in Quantum Engineering Design, Osaka University (through the Monbukagakusho Scholarship)
• Academic stints at the University College London, England and at Karlsruhe Institute of Technology in Germany. 

Nitong Marso lang, inanunsyo ni Dr. Arevalo sa kaniyang website ang pagsisimula ng kaniyang postdoctoral research sa University of Limerick, Ireland. “I joined the group of Dr. Matthias Vandichel to work on an EU-funded project for the development of methodologies to describe electrochemical reactions in/on metal-hydrides and other systems, ” aniya.
 

‘Tiktokerist’ din?

Sa kabila ng highly-academic background ni Dr. Arevalo, dahil siya ay likas na teacher-at-heart, ay may nahukay rin kaming Tiktok video kung saan tinatalakay niya ang posibilidad na magpatakbo ng sasakyan gamit ang tubig. 

Marami rin siyang educational materials tulad ng course tungkol sa Practical DFT Calculations, at ilang textbooks, na matatagpuan sa kaniyang website. 

Screengrab from https://www.ryanlarevalo.com/

 

More About the Marie Skłodowska-Curie Actions (MSCA) COFUND Fellowship

Ayon sa website ng European Commission, ang MSCA ay isang insititusyon na sumusuporta sa mga natatanging research programs mula sa iba’t-ibang panig ng mundo sa pamamagitan ng pagbibigay ng access sa mga bagong kaalaman at teknikal na kakayahan.

“The Marie Skłodowska-Curie Actions fund excellent research and innovation and equip researchers at all stages of their career with new knowledge and skills, through mobility across borders and exposure to different sectors and disciplines,” anila. 
 
Bukod pa rito, inilahad rin ng MSCA ang kanilang mga ‘underlying principles’ tulad ng:

• Excellence – Sinusuportahan nila ang ‘excellent researchers’ sa pamamagitan ng pagpapalawig ng kanilang mga oportunidad para sa inobasyon, dagdag na kaalaman, methodolgies at content, at gayun na rin ang karagdagang training, supervision, at guidance para sa kanilang career.
• Mobility – Para sa pagsuporta ng MSCA sa mobility ng mga researchers sa iba’t-ibang bansa, sektor, at disiplina para mas palawigin pa ang kanilang kaalaman, teknikal na kakayahan, at experience.
• Bottom-up and open to the world – Tinutukoy ang pagiging bukas para sa lahat ng domains ng research sa lahat ng panig ng mundo
• Excellent recruitment, working conditions and inclusiveness – Ang mahigpit na pagsunod sa European Charter for Researchers and Code of Conduct for the Recruitment of Researchers para sa proseso ng pagre-recruit at pati na rin ang working at employment conditions ng mga napiling researchers.
• Effective supervision and career guidance – Sinusuportahan ng organisasyon ang kanilang mga researchers sa pamamagitan ng mentoring, supervision, at paggabay sa kanilang mga pag-aaral.
• Open science and responsible research and innovation – Tinutukoy ang pagsuporta ng MSCA sa Open Science and Responsible Research and Innovation.
• European Green Deal – Sinusuportahan ng MSCA ang mga research programs na tumatalima sa European Green Deal at ang mga pag-aaral na hinggil sa climate change.
• Synergies – May aktibong partnership ang MSCA sa Cohesion policy funds at sa Recovery and Resilience Facility.