Madalas na requirement ang birth certificate sa pag-apply ng iba’t ibang valid IDs gaya ng passport o ng driver’s license. Ngunit, kung ika’y nasa ibang bansa, paano nga ba makakakuha ng iyong Philippine Statistic Authority (PSA) Birth Certificate?
Good news! Dahil nagdedeliver ang e-Census o PSA ng birth certificate sa labas ng Pilipinas. Maaaring mag-apply ng birth certificate online, kung ika’y wala sa Pilipinas. Heto ang steps para makapag-request ng PSA Birth Certificate online.
Step 1: Magpunta sa PSA Serbilis website. I-click ang “Click here to request now.” button.
Step 2: Ilagay ang impormasyon sa form ng website. Matapos ilagay ang impormasyon, i-click ang ‘Next.’ Ilagay ang:
- Name ng Kukuha ng Birth Certificate (Last Name, First Name, Middle Initial).
- Delivery Address.
- May option na ipadala ang Birth Certificate sa Philippine Embassy kung saan ka kasalukuyang naka-base.
- Telephone/Mobile Number.
- Email address.
- Tax Identification Number (optional).
Matapos nito, may box na lalabas para ma-check kung tama ang impormasyon na nailagay. Kung tama ito, i-click ang ‘Confirm.’
Step 3: I-click ang Tab na “Birth Certificate” para masimulan ang request. Matapos itong i-click may karagdagang tanong sa website. Sagutin ito gamit ang Yes or No na button. Matapos ay i-click ang ‘Next.’
Maaari ring makakuha ng Marriage Certificate, Death Certificate, at CENOMAR gamit ang PSA Serbilis website.
Step 4: Fill-up-an ang online application form. Pagkatapos’y i-click ang ‘Save.’ Tatanungin uli ng website kung ang nakalagay na impormasyon ay tama. Kung ito’y tama, i-click ang ‘Confirm.’
Step 5: Mapupunta kayo sa homepage kung saan marereview niyo ang inyong mga ni-request na dokumento. Maaari kayong magdagdag ng request para sa iba pang civil registry document (i.e. Marriage Certificate, CENOMAR, death certificate). Makikita rin dito kung magkano ang babayaran sa bawat dokumentong nakalagay.
Kung ok na ang mga ni-request niyong dokumento, i-click ang ‘Submit’ button.
Step 6: Ibibigay ng website ang iyong batch processing number. Ito ang magiging reference number para sa iyong pagbayad. Siguraduhing isulat ang batch processing number para hindi ito maiwala.
Kasama na sa total na babayaran ang mga fee sa pagproseso at pagdeliver ng iyong birth certificate. Pati ang government tax ay kasama na rin dito.
Kung ika’y nasa ibang bansa, maaaring magbayad sa pamamagitan ng:
- Credit card
- Foreign correspondent banks
- BDO Remit subsidiary offices and remittance partners abroad offering Kabayan Bills Bayad
Step 7: Hintayin na i-deliver ang iyong PSA Birth Certificate.
Ganun lang kadali ang pagkuha ng birth certificate sa pag-apply online. Para maging madali ang pagfill-up ng mga impormasyon sa online application, heto ang ilang paalala:
- Kung ika’y kasal na babae, gamitin ang iyong maiden name sa online application (Step 4).
- Wag gumamit ng special characters. Maari lamang gamiting ang letters, numbers, hyphens, single quote, at Ñ.
- Kung mayroon kayong name suffix gaya ng “Jr,” “Sr,” or “III,” ilagay ito sa First Name field. Wag lagyan ng period sa suffix para hindi magka-error.
- Para sa mga may surnmae na “De,” “De La,” “Del,” or “De Los,” ilagay ito sa Last Name field. Gamitin ang “De La” or “De Los” (with space) kaysa “Dela” or “Delos.”
- Kung ika’y kumukuha ng birth certificate para sa ibang tao, kinakailangang ilagay ang relasyon niyo sa isa’t isa. Tanging immediate family member lang ang pwedeng magrequest ng birth certificate ng ibang tao. Kinakailangan rin magpakita ng authorization letter at valid IDs para matanggap ang birth certificate.
Tandaan, siguraduhing malinaw at tama ang mga impormasyon na nakalagay sa inyong request para maging madali ang pagproseso ng inyong birth certificate.
Source: Filipiknow.net
Image Source: free stock photos from www.picjumbo.com | Pixabay