Na-repatriate na ang 347 distessed Filipinos mula sa Middle East, kabilang ang limang batang naapektuhan ng COVID, ulat ng Philippine News Agency.
Tumulak papuntang Saudi noong nakaraang Sabado si presidential assistant on foreign affairs Robert E.A. Borje para patatagin ang bilateral ties sa pagitan ng dalawang bansa, at pag-igihin ang labor reform cooperation sa pagitan ng Pilipinas at Saudi.
“Thank you to our Embassy in Riyadh, Consulate General in Jeddah, the Department of Foreign Affairs and the government of Saudi Arabia. This repatriation required a lot of work and coordination given the pandemic situation,” ani Borje. “But with the Filipino at the center of all efforts, this repatriation mission was a success. On behalf of President Duterte, Maraming Salamat at Shukran!”
Umuwi ang mga repatriates lulan ng Philippine Airlines chartered flight bilang bahagi ng programa ng gobyerno hinggil sa patuloy na repatriation ng mga Pinoy mula sa Saudi Arabia.
Nakatanggap rin ng cash assistance mula sa Philippine government ang mga repatriates sa ilalim ng utos ni Pangulong Rodrigo Duterte. “Bilang tulong po sa inyo, I have instructed Department of Foreign Affairs to use Bayanihan 2 funds to give all repatriated OFWs today P10,000 each as reintegration financial assistance,” pahayag ni Pangulong Duterte.
Inaasahang magkakaroon pa ng pangalawang repatriation flight sa susunod na linggo.
Image Source: Philippine News Agency